今早急不及待要 post 上嚟，
吸取昨日失敗嘅經驗，
今早聞到陣陣包香，
再用手指輕輕按一下，
就知道成功了，
超軟包包又新鮮出爐。
記得有一次在食肆進餐時，
鄰座幾位OL太太分享用麵包機，
便當媽媽當然發揮八卦本色竪起雙耳收料啦！
幾位亞太講得喋喋不休，
到最後講到食包時就要切晒4條邊先至食，
因爲麵包皮又硬又厚，
唉，實在浪費又可惜！
*********************************
當然照跟麵包機内的食譜整包，
一定不能弄出鬆軟的麵包皮，
遲些將這秘技與大家分享。
**********************************
☆今早嘅士多啤梨米粉果醬包☆
取用麵包機本身説明書的米粉包食譜，
加了無糖果醬50g及45g士多啤梨乾果肉。
由於食譜原先是齋米粉包，
所以落了無糖果醬後，要减少分至160ml水。
**********************************
☆另外加咗米粉，係粉狀，不是煮湯粉那些☆
☆麵包裏面加了有機士多啤梨乾☆
☆一家四囗的早餐，各有不同☆
1號，老公嘅，少肉多菜鷄柳三文治
2號，細老闆，朝早未回魂，睡眼惺忪，
用了一片麵包做三文治再加一支朱古力奶
3號，便當媽媽嘅，兩片包，一個蘋果，
再加杯養生茶(紅棗龍眼肉杞子焗茶)，
連水連渣吃
4號，大老闆，今早迎戰第一科考試，
講明不要包不要鮮奶，
唯有煎塊鷄柳加點羅馬生菜，配個朱古力蛋糕，
加埋杯紅參杞子焗茶，樣樣有啲，
希望佢順順利利
**********************************
第一次用手機上 Google Blogger 寫 post，
總算無驚無險搞掂，
仲有好多設定未搞，
慢慢摸索中。