土耳其無花果全麥包(20%)

呢兩日喉嚨愈來愈痕，

仲開始咳，搞到噚晚要老公出廳瞓咗幾個鐘，

直至便當媽媽入睡了無再咳，

老公先至靜鷄鷄爬番上床瞓，

真係唔好意思！

=  =  =  =  =  =  =  =  =  =

今日一早就幫襯家庭醫生，

排到頭位算好彩，

一路排隊一路整理相片，

一會搞好晒啲相又睇埋醫生，

善用時間。

=  =  =  =  =  =  =  =  =  =

呢次都係用番上星期六果包全麥粉，

餡料用咗土耳其即食無花果，

即食與煲湯嘅無花果係唔同，

唔好搞錯。

落麵包機前將其剪成細小粒，

今日用了50g，剪完已經好多。

=  =  =  =  =  =  =  =  =  =

另外加咗50g白飯令個包包鬆軟啲，無咁實。

全麥包烘焙後，全個包包的高度會矮少少，

所以不用擔心。


=  =  =  =  =  =  =  =  =  =


睇完醫生，啲藥要飽肚才可服用，

唯有乖乖回家食早餐再食藥。

無花果多士配上花生醬，味道一流。

便當家成員暫時無人發現麵包裏面有佢哋唔鍾意嘅無花果，

今次突襲成功，嘻嘻。