星期天，天氣相當好，
小魔怪終於考晒試，
(仲差5月頭一科英口試)
全家人都可以放下之前的緊張情緒，
早餐後便到書店打書釘。
● ● ● ● ● ● ● ● ● ●
便當家睇書鍾意睇長篇系列，
當睇完一整套書籍係好有滿足感，
就好像和著者一齊經歷書中的情節，
不過難免有些失落，
因為又要為尋覓下一套書而傷腦筋。
● ● ● ● ● ● ● ● ● ●
小魔怪諗住搵套『哈利波特』睇，
便當媽媽話等書展買，佢話等到頸長，
提議圖書館借，佢話啲書污糟邋遢又殘。
唉，之前屋企有碟，佢都驚到唔敢睇，
睇書又唔驚咩！
於是同佢行咗幾間書店，終於搵到有套裝，
可惜最尾一册書脊爛咗要換，
等20日先至有新貨返。
冇所謂啦，
便當媽媽估佢20日之內睇唔晒五册書呱！
● ● ● ● ● ● ● ● ● ●
便當媽媽都唔執輸，
掃咗兩本運動書及三本烘焙書。
