麵包機已經不是新鮮的潮物，
經多年改良，功能多了，價錢實惠了，
容量細小了，更適合一些小家庭，所以更普及。
容量細小了，更適合一些小家庭，所以更普及。
一直以來便當媽媽覺得花幾千元買部方包機是不化算，
但當自己擁有之後，又改觀了，
原來除了方包，仲可以整有餡料嘅包，
又可代搓麵糰整造型包，
還有蛋糕，甜品，小食，麵條，果醬……
唉，總之應用盡有，數之不盡，
只要花點心思，可弄出千變萬化的食材。
◆ ◆ ◆ ◆ ◆ ◆ ◆ ◆ ◆ ◆
今日星期六而且是清明假期，
家人通常睡得遲一點才起床，
所以有時間整一些造型餡料麵包。
今早主角就係佢嘞
☆雙重芝士洋葱火腿包☆
材料好簡單，大圖是A麵包，細圖是B餡料
平日用開隻高筋粉用晒，試用另一隻
◆ ◆ ◆ ◆ ◆ ◆ ◆ ◆ ◆ ◆
準備好A麵包材料入機攪拌時，
同一時間將B餡料嘅火腿切絲，洋葱切細粒，
用油炒香洋葱，再放火腿，最後落雜香草。
細分6份，待凉備用。
再準備麵棍，防黏烘焙布，濕毛巾及手粉。
準備完一大輪野，時間啱啱好，機内麵糰搓好了。
◆ ◆ ◆ ◆ ◆ ◆ ◆ ◆ ◆ ◆
剛搓好的麵糰表面比較濕，
用手從機取出前，雙手先沾上手粉，
取出麵糰後記緊拔走葉片，也不用放回鍋内。
將麵糰分爲6小份，用濕布蓋住靜待鬆弛5分鐘，
取出其中一小舊麵糰，壓平再包入洋葱火腿餡料，
便當媽媽會另加入pizza芝士，滚圓，放回鍋内。
底層放3舊，散囗向上，
上層放同樣3舊，但散囗向下，
留意散囗擺放位方向，
這樣可以防止爆囗漏出餡料。
麵包機預設有15分鐘將餡料搓入麵糰，
通常不能在指定時間内完成，
任由麵包機開始下一個程序，
盡快搓完放回整鍋入機内便可以，
因爲這時麵包機進行35分鐘發酵。
忙完一輪，可以慢慢善後工作清潔一下戰埸。
如果鍾意食多D芝士，
可以在進入烘焙前在麵糰表面再加些芝士碎。
◆ ◆ ◆ ◆ ◆ ◆ ◆ ◆ ◆ ◆
熱辣辣，看噴噴嘅芝士包出爐嘞，
白色嘅麵包肉好鬆軟，外皮微脆而不厚不硬，
撕開小麵包，裏面還有些少醬汁，好香香草味，
而且聞到陣陣洋葱味但食落咬唔到，
可以詭到小朋友！
整體來説，今次個包都好滿意，做到預期效果。
